Ginpamilit ni Senator Erwin Tulfo nga uwa it gineabag nga probisyon it Konstitusyon ukon Rules of Court ro House prosecution panel sa pag-withdraw it tatlo sa ap-at nga impeachment articles kontra kay Vice President Sara Duterte.
Aabat raya sa puna ni Atty. Paolo Panelo, tagapaghambae ni Duterte, nga nagresulta sigon sa pag-uyang it indi magnaba sa ₱1 bilyong pondo it publiko ro tikang it prosekusyon.
Suno kay Tulfo, parte it estratehiya it prosekusyon ro pag-withdraw sa mga artikulo, samtang posible man nga gumamit it kaugalingon nga estratehiya ro depensa sa pag-bulgar it ebidensiya.
Sa pihak nga ginkakibot nana ro tikang, ginhambae nana nga uwa it rason para piliton it mga senador ro prosekusyon nga padayunon ro mga ginbawi nga kun uwa it ginaeabag nga sueundanan.
Ginpamalibaran man nana nga ginagamit ro proposed 2027 national budget agud impluwensiyahan ro boto it mga senador sa impeachment trial.
Samtang, ginhambae ni Tulfo nga uwa imaw it nasayuran angot sa posibleng pagsaylo kay Duterte kay House Speaker Faustino “Bojie” Dy III ingkaso masentensyahan ro bise presidente.
Matapos bawion ro Articles I, III ag IV, Article II eon lang ro nabilin sa impeachment trial.
Kaibahan sa mga alegasyon kara ro unexplained wealth, uwa eubos nga pag-bulgar it mga propyedad ag kapaseawan mag-divest it mga interes sa negosyo, nga ginpamalibaran man it bise president.
