Nagkalhit eon sa ikawaeong probinsya ro outbreak it Ebola sa Democratic Republic of Congo.
Suno sa public health institute it Congo, nailista ro outbreak it Ebola sa North Ubangi nga kapin pang nagdugang sa malisod nga pagtapna sa pagkalhit it sakit.
Ginkumpirma it National Institute for Biomedical Research ro daywang kaso kaibahan ro sambilog nga namatay sa North Ubangi.
Ro North Ubangi ro ikawaeong probinsya nga naapektuhan it outbreak kaibahan ro North Kivu, Ituri, Haut-Uele, Tshopo, Sud-Kivu, Bas-Uele ag South Ubangi.
Ro outbreak nga makabig nga pinakamalala sa kasaysayan it Congo hay nagkalhit sa mga border it nasambit nga nasyon ag nakaabot eon sa Uganda ag Kenya.
Bangud kara, umabot sa 9,415 ro kumpirmadong kaso it Ebola ag 4,536 eon ro namatay.
