Igapatuman ro floor price nga P180 pesos para sa liveweight sa bilog nga probinsya it Aklan.
Suno kay Jun Agravante, presidente it Livestock, Hog and Poultry Association, nag-angkon it meeting ku nagtaliwan nga domingo ro mga hog raisers, retailers, ag traders kaibahan ro gobernador para nga ipamilit ro nasambit nga proposisyon.
Ginkasugtan man sigon raya it tanan ag sa makaron hay pagahueaton eon lang ro igapapanaog nga Executive Order it probinsya agud maging basehan ag i-adapt it kada munisipalidad.
Paathag ni Agravante, raya hay sangka compromised ag win-win solution para sa tanan bangud nga nalulugi ro mga naga-alaga it baboy bangud eon man sa pag-mahae it feeds.
Dugang pa kara, gin-representa man nana ro Aklan sa ginhiwat nga meeting it Regional Agricultural and Fishery Council (RAFC) ag gindihon man ro kaparehong resolution nga ipatuman man raya sa bilog nga rehiyon.
Padayon man sigon ro andang preparasyon sa mga paaeabuton nga holiday seasons pati eon man ro paaeabuton nga Ati-atihan Festival.
Ginpasiguro man nana nga sa makaron hay may bastante pa nga suplay ro probinsya sa pihak it padayon nga pagbawae sa pag-sueod it mga buhi nga baboy bangud sa paeag it African Swine Fever (ASF).
