Bulok ro naging pahayag it ambassador it China nga si Jing Quan.
Raya ro naging pahayag ni Atty. Harry Sucgang, sangka political analyst sa Aklan, matapos nga maghambae raya it ginakabig nga pagpamaeag sa Pilipinas.
Suno kay Atty. Sucgang, madja gina-maliit ro mga Pilipino ag bukon it demokratiko ro anang pahayag.
Dapat sigon nga maging sensitibo imaw sa anang mga pagabuhian nga kataga bangud nga sa pihak nga may gahum imaw, dapat nga magdahan-dahan sa gihapon imaw sa anang mga pagahambaeon.
Paathag pa nana, dapat man nga magin diplomatiko ro pahayag it Pilipinas bangud nga magiging alkanse raya kun minatud-on it China ro andang “paeag”.
Apang, nagaeaom man imaw nga indi pagpabay-an it US ro Pilipinas bangud sa Defense Forces Agreement it daywang nasyon.
Dugang pa kara, para kana sigon hay dapat eon lang nga ideklarang persona non grata ro nasambit nga ambassador agud nga mapakita sa China nga bukon it basta basta ro Pilipinas
