-- ADVERTISEMENT --
Gintalakay nanday Pangueong Ferdinand Marcos Jr. ag Japanese Prime Minister Sanae Takaichi ro pagpaeapad it kooperasyon it Pilipinas ag Japan sa depensa, seguridad, enerhiya ag artificial intelligence sa andang pag-istorya sa telepono.
Suno sa Presidential Communications Office (PCO), gin-istoryahan it daywang lider ro pagpahaom sa ika-49 nga ASEAN Summit ag mga kaangot nga pagpueong nga igapatigayon sa Metro Manila sa Nobyembre 15 hasta it 17.
Gintalakay man nanda ro ika ap-at nga Asia Zero Emission Community (AZEC) Leaders’ Meeting nga pagapangunahan it Pilipinas ag Japan sa Nobyembre, kamana man ro Luzon Economic Corridor ag suporta it Japan sa pagpabilin it kalinungan sa Bangsamoro.
