Nagdihon si Sen. Risa Hontiveros it ikaywang resolusyon sa Senado nga nagahinyo kay Pangueong Ferdinand Marcos Jr. nga ideklarang persona non grata si Chinese Ambassador Jing Quan.
Gindihon ko Oktubre 20 ro Senate Resolution No. 746, sang adlaw matapos magsumite si Sen. Erwin Tulfo it kaparehas nga resolusyon angot sa pahayag ni Jing nga madaling magdaog ro China kon maggamit sanda it puwersa.
Suno sa Department of Foreign Affairs (DFA), matsa nagapabutyag it paeag ro nasambit nga pahayag.
Ginpatawag eon man ni Foreign Affairs Secretary Theresa Lazaro ro embahador agud ipasayod ro pagpamaeabag it Pilipinas.
Apang, ginpamalibaran ni Jing nga paeag ro anang ginhambae ag gin-insister nga ginbuoe raya sa tamang konteksto.
Samtang, uwa it gahom ro Senado nga direktang magpatalsik it dumueoong diplomat ukon magdeklara bilang persona non grata bangud nga sa lebel it ehekutibo, partikular sa presidente ukon DFA ro desisyon kara.
