Sa Yellow Alert ro Visayas Grid sa sueod it sang oras, umpisa alas-5 hasta alas-6 it gabi-i makaron nga Oktubre 21, 2026, suno sa abiso it National Grid Corporation of the Philippines (NGCP).
Base sa datos it NGCP hasta alas-8 it agahon, kapin sa 2,569 megawatts (MW) ro available capacity it grid, samtang naga-abot sa 2,517 MW ro peak demand.
Kaibahan sa mga rason it Yellow Alert hay ro owa pag-gana it mga mabahoe nga coal-fired power plant nga PEDC Unit 3 ag KSPC Unit 1, kamana man ro limitadong power imports halin sa Mindanao bangud sa mga nakaplanong maintenance outage ag owa ginaeauman nga pagkasamad it pilang planta.
Suno sa NGCP, may an-um nga planta nga una sa forced outage makaron nga Oktubre, samtang 20 nga planta man ro nagadaeagan sa mas manabang kapasidad, nga nagresulta sa kabilugan nga 598 MW nga indi magamit sa grid.
Ginpaathag it NGCP nga nagapaguwa it Yellow Alert kon bukon it bastante ro operating margin agud nga masabat ro kinahangeanon nga reserba it transmission grid engkasong makaangkon it aberya.
Ro Yellow Alert hay bukon it awtomatikong nagakahueugan it rotational brownout, apang raya hay nagapabutyag nga limitado ro reserbang suplay it kuryente sa Visayas Grid.
