Ginpatuman eon it Aklan Electrive Cooperatve (AKELCO) ro 2% nga late payment fee sa baeayran sa kuryente.
Suno kay Josephine Prado, institutional services department manager, mabuhay eon raya nga ginproponer nga dati hay naga-abot pa sa 10% nga naging 2% eon lang sa makaron.
Raya sigon hay mando it Energy Regulatory Commision (ERC) sa daeom it Resolution No. 30 series of 2026 nga ginpaguwa ku nagtaliwan nga buean it Setyembre.
Raya hay eakip sa other charges nga ginapa-adapt it ERC.
Dugang pa nana, umpisa makaron nga billing it buean it Oktubre, mapan-uhan ro 2% nga computation kun maga-bayad pagkatapos eon it due date.
Raya hay magiging epektibo eamang kun eumampas sa due date ro baeayran.
Dugang pa kara, obligasyon man sigon it AKELCO nga magpa-receive anay it disconnection notice sa konsumidor antes ipatuman ro dugang nga 2% sa late payments.
Paathag ni Prado, raya hay nag-agi sa tama nga proseso kapareho it pagpatigayon it hearing ag pagpa-apruba sa general assembly.
Ginpamilit man nana nga nagapatuman eamang ro AKELCO it mga mando it gobyerno ag sakop kara ro tanan nga electrive cooperative sa bilog nga nasyon.
