Tatlong Filipino green card holders ro kaibahan sa 28 nga foreign nationals nga ginkasuhan sa California bangud sa gina-alegar nga ilegal nga pagparehistro bilang botante ag pagboto sa eleksyon sa United States ko Nobyembre 2024.
Ginkilaea it US Department of Justice ro mga akusadong sanday Giezell Viduya Adawag, 41, it Vacaville; Jose Probitsado Amaro, 51, it National City; ag Pamele Arbues Line, 56, it Escondido. Tanan sanda hay lawful permanent residents apang bukon pa it mga pumueuyu it US.
Suno sa DOJ, ginasugid nga nagdeklara sanda nga mga pumueuyu it US agud nga makapa-rehistro ag makaboto sa eleksyon. Nagapangatubang man ro iba sa mga alegasyon it pagtau it saea nga impormasyon sa andang proseso it naturalisasyon.
Kaparte ro mga kaso it “Operation Protect the Vote,” sangka tikang it mga piskalya sa California kontra sa gina-alegar nga pageabag sa mga laye sa eleksyon.
Onse sa 28 nga akusado ro gin-aresto ko Oktubre 19.
Ginpamilit it DOJ nga mga alegasyon pa eamang ro mga kaso ag ginakabig nga inosente ro mga akusado hasta nga owa pa napamatud-an nga nagkasaea sa korte.
