Ginpamilit it Land Transportation Office (LTO) ro importansiya it koordinasyon sa mga lokal nga gobyerno ag barangay agud nga masiguro ro tama nga pagpatuman it mga ordinansa kontra sa masangag nga motorsiklo sa Western Visayas ag Negros Island Region.
Suno kay Jeck Conlu, OIC regional director it LTO-NIR ag concurrent assistant regional director it LTO Region 6, pwedeng magpatuman ro mga LGU ag barangay it andang natungdan nga ordinansa agud nga masabat ro mga reklamo sa sobrang kasangag.
Gintaw-an kara it punto ro tamang paggamit ag regular nga calibration it sound decibel meter agud nga masiguro ro ensakto nga pagsukat sa sangag ag masaligan nga resulta.
Dugang pa ni Conlu, importanteng masunod ro due process agud nga mataw-an it patas nga kahigayunan nga umapela ro mga motorista, eabi eon sa mga kasong may kaangtanan sa paggamit it aftermarket parts.
