Ginbatikos ni US President Donald Trump ro NBA superstar nga si LeBron James bangud sa gina-alegar nga kawad-an it respeto samtang nagatukar ro national anthem it Estados Unidos.
Sangka video ro ginpakigbahin ni Trump nga nagapakita kay James nga nagahimo it mga hueag nga medyu naga-warm-up samtang nakapila kaibahan ro mga players it Philadelphia 76ers. Sa video, makitang ginatuead ni James ro hueag sa golf swing ag shooting motions sa basketball.
Gin-engganyo ni Trump si James nga magpangayo it pasaylo sa mga beterano ag baganihan nga Amerikano nga namatay para sa andang nasyon. Owa pa it insigidang sabat ro 41-anyos nga si James angot sa nasambit nga batikos.
Bukon man it klaru kon kan-o ginboe-an ro nasambit nga video. Nauna eon nga ginbatikos ni Trump ro pilang atleta bangud sa andang mga hueag samtang ginapatukar ro national anthem, kaibbahan si dating NFL player Colin Kaepernick, nga nag-euhod bilang protesta kontra sa kawad-an it hustisya sa lahi ag pag-abuso it mga pulis.
