Nagpromisa si Senate President Sherwin Gatchalian nga pagaboe-on ro lump sum funds sa 2027 national budget kasunod it desisyon it Korte Suprema nga ideklarang unconstitutional ro pilang probisyon it 2024 ag 2025 national budgets, kaibahan ro pilang probisyon it unprogrammed appropriations sa 2026 budget.
Suno kay Gatchalian, owa it lump sum funds nga dapat makaeusot sa proposed national budget para sa 2027 bangud nga eabag sa Konstitusyon ro mga raya.
Sa pihak kara, magapabilin sa national budget ro unprogrammed appropriations bangud nga owa raya gindeklara it Korte Suprema nga unconstitutional.
Kinahangean eamang sigon nga magtaeana it klaru nga mga patakaran ag limitasyon ro Senado agud nga masiguro ro tamang paggamit it pondo.
Ginaboeobanta nga katumbas it daywa hasta limang porsiyento it kabilugan nga national budget ro unprogrammed appropriations.
