Nakaexperiensiya it partial dislocation ro waea nga abaga si four-time NBA champion Stephen Curry ag owa it insigidang timetable para sa anang pagbalik sa reigning NBA champion Golden State Warriors.
Suno sa koponan, nagpaidaeum si Curry sa sangka MRI exam sa Philadelphia — kun sa siin naghampang ro Warriors ko nagtaliwan nga adlaw ag ginbulgar kara ro kaeapad it kahalitan nga naangkon nana sa 125 to 119 nga pagkapierde ko Miyerkules sa Indiana.
Suno sa mga doktor nga ro naexperiensiyahan nga subluxation ni Curry hay ro bukon it kumpletong dislokasyon it sangka joint.
Si Curry, nga Most Valuable Player sa NBA Finals ko nagtaliwan nga Hunyo, hay nakaangkon it injury sa nabilin nga 2:04 sa ikatlong quarter kat ginhana nga boe-on ro bola halin kay Jalen Smith it Indiana samtang nagadaeagan raya sa hoop.
Ro pagkaduea ni Curry sa anumang haba it tiempo hay magiging sangka mabahoe nga kapas-eawan para sa Warriors suno kay coach Steve Kerr pagkatapos it pagkapierde ko Miyerkules.
