Ginmanduan ni Department of the Interior and Local Government (DILG) Secretary Benjamin “Benhur’ Abalos ro mga local government units (LGUs) nga limpyohan ro mga nagapanguna nga daeanon ag mga alternatibong ruta nga sakop it andang otoridad maghalin sa tanan nga mga nagabaeabag sa maayos nga daeagan it trapiko.
Raya hay bangud sa mga bulok nga pag-inugali it pilang motorista nga nagaliko sa mga daeanon ag pagagamiton raya bilang andang parking space.
Ro paggamit it mga deanon bilang parking slot it mga motorista, kaibahan ro printe it mga business establishment ag sa printe it baeay it mga motoristang owa it sariling garahe, hay nagatuga it bottleneck sa mga major ag alternative roads, eabi eon sa Metro Manila ag iba pang urban areas.
Kung siin sa mga probinsya, naduea eon man ro haega it pilang road widening projects it gobyerno bangud ginagamit eon lang raya it pilang saea nga motorista bilang parking slot, sa pilang kaso, kaeakip eon kara ro overnight parking.
Sa pihak nga partge, ginhinyu man ni Abalos sa DILG Undersecretary for Barangay Affairs nga tutukan ro tanan nga “Mabuhay Lanes” ag taw-an it nagakaigo nga penalidad ukon ‘appropriate sanctions’ ro mga matig-a it ueo g owa nagasunod sa mga opisyal it barangay.
