BALITANG Espesyal — Nakalista it bag-ong world record ro sangka attorney sa Texas, U.S.A. bangud sa tumaeagsahon nga kaeapad it anang dila!
Ginkumpirma it records keeping organization nga Guinness World Records nga si Brittany Lacayo ro pinakabag-ong world record holder it titulong “Widest Tongue (female)”.
May eapad nga 3.11 inches ro anang dila rason nga napiyerde kara ro previous record nga 2.89 inches eamang.
Suno kay Lacayo, bata pa eamang imaw hay sayud eon nana nga bukon it ordinaryo ro kaeapad it anang dila apang owa nana nasayuran nga raya gale ro sambilog sa pinakamaeapad sa bilog nga kalibutan.
Naisipan eang nana nga magsumite it aplikasyon sa Guinness kat makita nana ro litrato it previous record holder ag naisip nga masarangan nana raya nga piyerdihon.
Sa makaron, excited eon imaw nga ipahisayod ro pinakabag-o nana nga achievement sa mga kaibahan nga abogado sa ginatrabahuhan nga law firm.
