KALIBO, Aklan — Gindakop ro abogado nga wanted sa kasong pagpatay sa Brgy. Man-up, Altavas, Aklan.
Arestado si Freddie Ofialda, 54, sa anang baeay sa nasambit nga lugar, apang bangud nga nag-eain ro anang pamatyag hay insigida raya nga nagpa-hospital arrest sa Capiz Doctor’s Hospital.
Si Ofialda hay gindakop sa gahum it warrant of arrest nga ginpaguwa ni Presiding Judge Nelson J. Bartolome it Regional Trial Court, Branch 8, Kalibo, Aklan nga may petsang Hunyo 20, 2019. Imaw hay nagapangatubang sa kasong murder.
Owa it gintaeana nga piyansa ro korte para sa anang temporaryong kahilwayan.
Pagabistahon ro kaso ni Ofialda sa oras nga makaguwa it ospital.
Eakot ro abogado ag si dating SPO2 Ronquillo Algarne Jr. sa pagpatay kay dating Cabangila, Altavas Punong Barangay Ruel de Blas ko 2004.
Si Ofialda hay naka-assign makaron sa Provincial Prosecutor’s Office ng Capiz.
