Magadihon it affidavit ro abogadong si Elmer Galicia nga nag-notaryo sa counter-affidavit it ginpahalin nga dating alkalde it Bamban nga si Alice Guo para sa non-bailable human trafficking case para pamatud-an nga nakipagkita raya sa alkalde.
Presente nga ginatugis it mga awtoridad si Guo matapos mapabalita nga nakaguwa it nasyon ko Hulyo 17 maskin nga sa idaeom eon it immigration lookout bulletin order.
Suno kay Bulacan Provincial Prosecutor Ramoncito Ocampo, kaibahan ni Galicia nga nag-adto ko Martes sa DOJ para klaruhon ro notarization it counter-affidavit ni Guo, nga nakipagkita si Galicia ro dating alkalde sa San Jose Del Monte, Bulacan.
Nag-isturya sigon sanda ni Alice Guo sa guwa it anang opisina ag ginpakita ni Guo ro lisensya nana sa pagdrive saka pinanotaryo ni Galicia ro counter-affidavit nga isinumite sa DOJ it mga abogado ni Guo ko August 16 1para sa preliminary investigation.
Base sa jurisprudence, ro notaryo it publiko hay indi dapat magpanotaryo it sangka dokumento mag-euwas eon lang kung ro mga tawong pumirma kara hay ro mismong mga tawong naghimo kara ag personal nga nag-atubang kana para pamatud-an ro sueod ag kamatuuran it kung ano ro nakabaehag sa dokumento.
Una kara hinambae it kampo ni Guo nga nagapati sanda sa integridad ni Galicia ag nagapati nga sa nasyon pa ro dating alkalde.
