KALIBO, Aklan – – – Sa pihak it uwa pa it deklarasyon it pagpaidaeom sa state of calamity sa tatlong mga barangay sa isla it Boracay, madayon gihapon ro puspusan nga pagpatigayon it rehabilitation efforts kara pamaagi sa Local Government Unit it banwang Malay, Aklan.
Raya ro ginpahayag ni Department of Interior and Local Government (DILG) Asst. Sec. Epimaco Densing III sa ginpatigayong press conference sa isla it Boracay sa pagpanguna it inter-agency task force.
Suno kana nga inde pagpasugtan ro anumang mga sab-eag nga makaapekto sa rehabilitation efforts.
Naga-eaum man raya it kooperasyon halin sa mismong alkalde it Malay sa pagpatigayon it mga serye it demolisyon sa mga nakitaan it bayolasyon.
Nasayuran nga uwa si Mayor Ciceron Cawaling sa nasambitang press briefing apang naga-eaum si Asec. Densing nga magiging “supportive” raya sa mga nakapresentang plano.
