KALIBO, Aklan—Haeos fully booked gihapon ro kapin sa 157 acrredited hotels and resorts nga may kabilugang 7, 308 nga mga kwarto sa Isla it Boracay para sa nagapadayong long weekend.
Suno kay Compliant Association of Boracay (CAB) president Lauren Molina, bukon eamang it para sa makaron nga dominggo ro bookings it mga local ag foreign tourist kundi maging sa Paskwa ag bag-ong dag-on hay may-una eon man nga nagpa-book sa sikat nga Isla.
May kaangtanan kara, uman nga nagpatigayon it inspeksyon ko nagtaliwan nga adlaw, si Department of Environment and Natural Resources (DENR) Secretary Roy Cimatu agud tan-awon it uman ro sitwasyon it Boracay makataliwan ro limang adlaw halin kat nagbukas raya sa mga turista ko Oktubre 26 matapos ro an-om nga bueang pagpasarado ni Pangueong Rodrigo Duterte.
Suno kay Cimatu, umpisa ko Nobyembre 3 hay ginpasugtan it uman ro mga water sports activities sa sikat nga Isla nga sambilog sa mga ginabalik-balikan it mga turista.
Samtang, hugot sa gihapon ro ginapatuman nga seguridad it mga kapulisan halin sa Caticlan Jetty Port hasta sa pagsueod sa nasambitang Isla.
