KALIBO, Aklan—Owa nagapabor ro grupong Alliance of Concerned Teachers Partylist sa proposisyon it sangka mamalidha nga amyendahan ro laye agud duea-on ro media sa mga ginapatigayun nga buy-bust operation it kapulisan ag Philippine Drug Enforcement Agency (PDEA).
Suno kay France Castro, Representative it Alliance of Concerned Teachers Partylist nga mabahoe ro papel it media personnel agud masayuran kun tama ro proseso nga ginahimo it pulisya sa kada operasyon.
Ginpaathag pa ni Castro nga may gindihon eon sanda nga sangka hagna para ma-exempt ro media bilang testigo sa mga drug buy-bust operation.
Tuyo kara nga protektahan ro kinamatarong it mga media nga ginaubra eamang ro andang trabaho.
Nasayuran nga maabu ro nagkontra sa proposisyon nga pagduea sa mga media bangud sa pagkabaeaka nga mahigkuan ro operasyon it mga otoridad.
