KALIBO, Aklan—Nanggagalaiti sa kaugot ag dismayado ro Alliance of Concerned Teachers ukon ACT partylist sa panibag-ong isyu nga ginapangatubang it mga manugturo.
Raya hay matapos ro sunod-sunod nga reklamo angot sa mabahong bugas nga andang nabaton bilang one time assistance kanda nga ginpromisa it gobyerno.
Suno kay Mr. Vladimir Quetua, chairperson it ACT partylist nga inde sanda magpasugot nga uwa it mapanabat sa andang reklamo kon sa siin nagdihon sanda it resolusyon sa kongreso agud nga maimbestigahan ro isyu kon sanday sin-o ro sa likod it eubus nga pagpakanubo ag pagtapak sa dignidad it mga manugturo nga gintaw-an sanda it bugas nga maskin manok hay inde magtuka bangud sa kabaho.
Ko una sigon nga gin-anunsyo it gobyerno nga pagataw-an it rice allowance ro mga manugturo hay eubus ro andang kalipay bangud nga mabahoe eon nga bulig para kanda ro 25 kilos nga bugas eabi pa ag manubo ro andang sweldo.
Apang, eubus man ro andang pagkadismaya matapos nga maeksperyensyahan ag masaksihan ro kalidad it bugas nga ginta-o sa mga manugturo sa mga probinsya sa rehiyon it Luzon.
