KALIBO, Aklan–Nagakabaeaka ro Alliance of Concerned Teachers (ACT-Teachers) Partylist sa imahe it Pilipinas pag-abot sa International community kasunod it mga pagbiyahe ni Pangueong Ferdinand Marcos Jr. sa nagkaeain-eain nga mga nasyon para magtambong it pagpueong.
Gintaw-an it puno ni ACT-Teachers Partylist Representative France Castro ro owa pa maresolba nga isyu angot sa Extra Judicial Killing (EJK) it nagtaliwan nga administrasyong Duterte.
Nagapati si Castro nga bukon it manami ag indi maka-engganyo it mga investors ro nasyon samtang owa pa maiserbi ro hustisya para sa mga biktima it war on drugs ag ro padayun nga pagbaeabag it gobyerno sa pagkasa it imbestigasyon it International Criminal Court (ICC).
Dugang pa kara ro medyo paglikaw ni Pangueong Marcos sa isyu ag owa pagtao it kahigayunan sa ICC.
Bukon sigon raya it manami nga implekasyon sa mga kapitalista kung may bahid nga ‘impurity’ ag ‘injustice’ ro nasyon.
