KALIBO, Aklan— Ginpasiguro ni Vice Mayor elect Frolibar Bautista sa mga pumueuyu ro anang commitment ag didekasyon bilang OIC Mayor it banwa it Malay.
Suno kana nga owa eon sanda it mahimo sa mandu it Department of Interior and Local Government (DILG) matapos nga owa ginkilaea it ahensya si Ceciron Cawaling bilang nagdaog nga alkalde it banwa.
Pagatutukan sigon kara ro presenteng problema it banwa partikular sa isla it Boracay kun sa siin, eapnaag ro prostitusyon.
Hugut man sigon nga igapatuman ro mga kasuguan agud nga amat-amat nga masolbar ro mga ginapangatubang nga problema sa banwa.
Nasayuran nga si Bautista ro magapirma it mga dokumento nga kinahangeanon sa mga transaction it munisipyo samtang ro unga ni Ceciron nga si number 1 councilor Niño Cawaling ro nagpanumpa bilang Acting Vice Mayor.
