KALIBO, Aklan—Owa it may ginahimo nga tikang ro administrasyon ni US president Joe Biden ag Vice President Kamala Harris angot sa kontrobersyal makarun nga isyu it Asian Attacks sa United States of America.
Suno kay Bombo International Correspondent Pinoy Gonzales ag presenteng nagatrabaho makarun sa Houston Texas, U.S.A nga haeos ro gobyerno pa mismo idto ro nagapa-away sa mga tawo.
Kaabuan man sa mga lugar nga may nagakatabong hate crimes hay ro democrats controlled state and cities kapareho it new york, california, atlanta ag chicago.
Bukon man sigon it tama nga ro mga puti ro nagahimo it pagpang-atake bangud makit-an sa mga nagakalhit nga video nga puro mga puti ro nagakontra ag nagapanakit sa mga asyano.
Raya hay bangud ginpanan-aw it mga raya nga ro asyano hay mga intsek ag dapat nga kaugtan bangud sa china maghalin ro virus nga COVID-19.
Madumduman nga pati si Filipino boxing superstar Manny Pacquiao hay nagpanawagan nga tupuson eun ro hate crimes kontra sa mga Asyano sa Estados Unidos.
Kan-o eamang sangka 65 anyos nga Fil-American nga babaye ro ginsipa it eaeaki sa anang ueo ag tiyan rason nga gindaea gid raya sa ospital.
Ro insidente nga natabo sa New York City hay na-capture sa Closed Circuit Television (CCTV).
