-- ADVERTISEMENT --
Balitang Espesyal——-Sangka nagdaog nga konsehal sa eleksyong ginpatigayon kan-o eamang sa Namibia ro naging sueod it mga balita bangud sa anang kakaibang pangaean.
Naging instant sikat ro 54-anyos nga si Adolf Hitler Uunona bilang councilor sa Ompundja, Namibia.
Owa man ginkalipay ni Uunona nga sueod imaw it balita bangud nga kapangaean nana ro sambilog sa pinaka-notorious nga diktador sa kasaysayan it kalibutan.
Ginpaathag nana nga ro anang ama ro nagpangaean it ‘‘Adolf Hitler’’ kana ag posibleng owa sigon kara naisip kon ano ro kahueugan it nasambit nga pangaean.
Mag-eowas kara, owa eon naila si Uunona nga magpa-interview angot sa anang pangaean bangud nga ro importante suno kana hay makabulig sa pagpaumwad it Namibia.
-- ADVERTISEMENT --
