Gintalakay it Armed Forces of the Philippines kaibahan ro Japan Self-Defense Forces ro mga tikang nga pagahimuon kasunod it pag-hijack it China Coast Guard personnel sa rotation ag resupply mission it Pilipinas sa Ayungin shoal.
Raya hay gin-istoryahan sa tunga nanday AFP Chief of Staff General Romeo Brawner Jr. ag General Yoshihide Yoshida, Chief of Joint Staff it Japan Self-Defense Forces.
Parehong nagpahayag it pagkabaeaka ro daywang military officers sa insidente ko kan-o eamang sa West Philippine Sea.
Ginpahayag ni General Yoshida nga padayong nagapnindugan ro Japan Self Defense Forces sa bahin it Armed Forces of the Philippines rason nga mas pang padaemon ro kooperasyon it andang nasyon sa Pilipinas ag like-minded countries.
Sa bahin mat-a ni Gen. Brawner, ginpasaeamatan nana ro Japan Self Defense Forces sa padayon nga suporta sa Armed Forces of the Philippines ag sa Pilipinas.
Ro Japan sigon ro sambilog sa pinakaunang nasyon nga nagtao it suporta sa pagkondena sa mga aksiyon it China Coast Guard.
