NATIONAL News — Ginkumpirma it Armed Forces of the Philippines (AFP) nga sangka cadet ro nagpangayo it relo ni President Ferdinand Marcos Jr. sa sangka graduation ceremony it Philippine Military Academy (PMA) ko Mayo 2025.
Raya ro sangka insidente nga ginsaysay ni Vice President Sara Duterte sa anang press conference ko nagtaliwan nga domingo.
Sa sangka video, makita gid man sanday Marcos ag Duterte nga magkaibahan nga nagtambong sa nasambit nga seremoniya.
Owa eon gindetalye it bise presidente kon ano gid man ro anang ginatumod nga insidente kun sa siin nagpamalibad si Marcos sa hinyo it kadete.
Suno kay Duterte, matapos nga masaksihan ro pagpamalibad it presidente hay amat-amat nana nga narealize nga nangin ‘toxic’ eon ro andang relasyon.
Sa video, makita nga kat gintau ni Marcos ro diploma sa kadete, nagpaeapit pa imaw agud nga mabatian ro ginahambae kara.
Pahayag man ni AFP spokesperson Colonel Francel Margareth Padilla nga bukon it tradisyon ro nasambit nga aktwasyon it kadete ag raya hay owa nagakabagay.
Suno pa sa AFP, nakabaton eon it penalidad ro kadete nga naka-assigned makaron sa Philippine Air Force.
Madumduman nga ko 2019 nga PMA graduation ceremony, sangka kadete man ro nagpangayo it relo ni former president Rodrigo Duterte ag gintau man raya it dating presidente.
