Ginpamilit it Armed Forces of the Philippines (AFP) nga uwa it nasyon ro makapagdikta sa Pilipinas sa desisyon kara pag –abot sa depensa.
Suno kay AFP spokesperson Col. Francel Margareth Padilla, sangka natural nga kinamatarong it kada estado nga pabaskugon ag maghimo it mga desisyon sa depensa kaibahan ro pagsueod ag deployment it US typhon missile launcher sa sueod it teritoryo it nasyon.
Ginhimo it Sandatahang lakas ng Pilipinas ro pahayag ku Biyernes, matapos tawgon it China ro tikang nga delikado ag iresponsable.
Ginpamilit man ni Col. Padilla nga ro presensiya it Beijing ag militarisasyon kara sa West Philippine Sea hay eubos nga delikado.
Ginakabig it AFP official ro presensiya it mga barko it China nga missile-capable man bilang “highly dangerous”.
May una man sigon nga artificial islands ro China sa disputed waters nga militarized ag missile-capable.
Ginpahayag man ni Col. Padilla nga ginpalig-on it PH ro defense capabilities paagi sa pagsasamoderno, pagpabaskog it atong mga alyansa ag uwa it ibang nasyon sigon ro mahimo magkwestiyon kara.
Ginkumpirma man it AFP official ro paghalin it Typhon missile launcher sa indi masayuran nga lugar bilang bahin it pag-ensayo ag pagpabaskog it defense capabilities it AFP.
Eksplenasyon ni Padilla nga kaibahan sa pag-ensayo ro mobilisasyon it andang logistics train ngani kada kinahaneagn nga ipreposisyon raya bilang pagpahaom sa nagahilapit it aktibidad, anda raya nga ginahimo.
Matandaan nga gindaea it US military ro nasambit nga weapon sa nasyon ku Abril it nagtaliwan nga dag-on bilang bahin it joint military exercises.
