Suportado it Armed Forces of the Philippines (AFP) ro plano ni Pangueong Ferdinand Marcos Jr., nga magpatindog it spaceport ag maglunsar it rocket sa 2027.
Raya hay kasunod it naging anunsyo it Pangueo sa anang SONA kun sa siin pagahiwaton ro test launch sa Cagayan.
Suno kay AFP Spokesperson Col. Francel Margareth Padilla, ro nasambit nga plano it Pangueo hay sandig sa modernization program it AFP ag sa mga nagapadayun kara nga inisyatiba.
Dugang pa ni Padilla, makabulig man raya sa pagpabaskog it national defense, disaster response ag maritime security it nasyon.
Nasayuran nga nauna eon nga ginpakigbahin ni dating AFP Chief of Staff Romeo Brawner Jr., nga magabilog it space command ro militar base sa naistoryahan man nanda kato it Pangueo kat sanda hay nagpueong sa Camp Aguinaldo.
Ginpasiguro man it AFP nga padayun sanda nga makikipag-angot sa Philippine Space Agency ag Department of Science and Technology para sa nasambit nga proyekto.
