KALIBO, Aklan–Aminado ro agent it peryahan ng bayan sa pagkasaea nga anang nahimo.
Suno kay Geraldine Tenasas nga matapos nga magkasugot nga bayluhan ro kumbinasyon it numero nga gintay-an it owa nagpakilaea nga tagreklamo hay owa nana nabayluhan ro numero sa gin-isyu nga resebo.
Bangud nga nagguwa eon ro numerong 02-22 hay ginsuhestiyon sigon nana nga bayluhan ro nasambit nga numero nga kon sa siin hay nagpasugot man ro manugtaya ag ginbueos ro number combination nga 20-12.
Ebidensiya sigon nana ro anang original ag duplicate nga listahan nga owa it erasure ukon pinaea-an.
Haum sigon imaw nga mag-atubang sa anuman nga reklamo nga andang igapasaka bangud nga kinamatarung nanda raya.
Samtang, plano man kara nga kasuhan it cyber bullying ro igmanghud nga babaye it tagreklamo matapos nga gina-alegar nga gin post kara sa social media ro anang litrato kun sa siin hay nakita pa ro itsura it anang unga nga owa it kahilabtanan sa isyu.
Ro magtimbang nga parte hay nakataeanang maga atubang sa barangay hall it linabuan norte sa maabot nga Marso 25.
