Nagpromisa ro sangka opisyal it pulisya it Philippine National Police (PNP) nga igapabilin ro agresibong giyera sa droga sa tunga it pagkabaeak-an nga magapundo eon ro anti-illegal drugs operations sa nagahilapit nga pagtapos it termino ni Pangueong Duterte.
Ginpahayag ni Police Maj. Gen. Valeriano de Leon, PNP director for Operations, nga ginpadumdum eon sa mga police commander sa bilog nga nasyon nga igapadayon ro agresibong kampanya kontra sa iligal nga droga para tapuson ro kahigayunan it mga sindikato it iligal nga droga nga paeapnagon ro andang mga iligal nga operasyon.
Dugang pa ni De Leon nga nagbilog sanda it bag-ong istratehiya kung paano mapabilin ro mga kadaeag-an it administrasyong Duterte sa kampanya sa ilegal nga droga.
May mga bag-ong sueondanan man sigon sanda kung sii naka tutok sa rehabilitasyon ag reintegrasyon para sa mga nagaeaum sa droga.
