Agricultural Training Institute, nagapatigayun it nagkaeain-eain nga training agud nga makabulig sa mga lokal nga mangunguma

KALIBO, Aklan–Nagapatigayun it nagkaeain-eain nga lebel it training ro Agricultural Training Institute ukon ATI agud nga makabulig sa mga lokal nga mangunguma sa nasyon.

Ro ATI hay sangka bureau it Department of Agriculture.

Suno kay Engr. Remelyn Recoter, Director IV it ATI nga ro nagapangunang mandato nanda hay magtao it kasanayan sa mga unang partisipante ukon kliyente partikular ro Agricultural extension workers.

Tuyo kara nga ma-enhance ro andang kapasidad ag maipa-eapnaag sa mga local farmers sa andang nasakupan.

Ro ATI hay may lebel it training kapareho it Specialist Training Course ag Trainer’s Training kung siin ro mga technician hay gina-train sa sueod it ap-at nga buean.