Kaibahan ro Agriculture, Forestry ag Fishing ukon AFF industry sa mga nagapanguna nga contributor sa pagtaas it Gross Domestic Product (GDP) sa Western Visayas ko dag-on 2025.
Sa 2025 Economic Performance it Western Visayas nagsaka sa 6.4% ro GDP growth rate kun sa siin kaeakip ro Agriculture, Forestry ag Fishing (AFF) industry sa mga major contributor kaibahan ro Industry ag services.
Suno kay Philippine Statistics Authority – Regional Statiscal Services Office Regional Director Nelida Amolar, mabahoe ro bulig it AFF sa growth rate it GDP it Western Visayas ko dag-on 2025 maskin pa nga nagseparar eon ro Negros Occidental.
Suno man kay Department of Economy, Planning and Development (DEPDev) 6 Regional Director Engr. Arecio Casing Jr., sambilog sa mga rason nga nagbahoe ro contribution it pagsaka it AFF hay ro pag-operate eon it Jalaur River Dam kun sa siin may pilang mga lugar maeapit sa proyekto ro nakabenepisyo partikular eon sa pagpanguma.
ro 6.4% nga growth rate sa ekonomiya it Western Visayas ro pinakadasig nga pagsaka sa ekonomiya sa 18 nga mga rehiyon sa nasyon nga nagmarka sa P683.44 billion.
