KALIBO, Aklan—Matapos ro proklamasyon, ginpakigbahin ni re-electionist governor Jose Enrique “Joen” Miraflores ro anang mga prayoridad sa ikaywang termino it anang pagpanerbisyo.
Sa interview it Bombo Radyo, ginpahayag kara nga mas pa nana nga pagapabaskugon ro agrikultura ag turismo sa bilog nga Aklan.
Suno kana nga ro daywang nasambit nga industriya ro may mabahoe nga impact sa ekonomiya it aklan nga nagatau it dere-deretso nga trabaho sa mga pumueuyu.
Nagpromisa man imaw nga igaduso ro pagpatindog it cruise ship port sa caticlan, malay nga ginaeauman nga matapos sa sueod it anang termino.
Sa oras sigon nga ma-establisar eon ro cruise ship port hay mapatuman sa Aklan ro fly and cruise.
Pagatinguhaan man sigon nanda nga maka-engganyo it mga airline companies nga makadaea it international flights agud uman nga mapabaskog ro operasyon it Kalibo International Airport.
Ginpabugae man nana ro newly improved nga ABL sports complex nga airconditioned eon makaron.
Sa pihak nga parte, gindugang pa ni Miraflores nga ro kadaeag-an it andang united leadership sa bag-o eamang natapos nga eleksyon hay nagapakita it pagsalig ag kumpiyansa it mga pumueuyu sa andang grupo.
