Nag-umwad it 2.7 porsiyento ro sektor it agrikultura sa second quarter it 2026, nga ginkonekta it Department of Agriculture (DA) sa pagtaas it pampubliko ag pribadong pagpangapital, mas mataas nga produksyon it mga mangunguma, ag pag-abot sa P416 bilyong haega it produksiyon.
Nalista man it nasyon ro pinakamataas nga lebel it food sufficiency sa first half it dag-on.
Nakabulig sa pagtaas it ani ro mas mataas nga presyo it pagbakae it gobyerno sa basa nga paeay, pagpaeawig it irigasyon, ag paborableng kondisyon it tyempo nga may mas sangkiri nga bagyo sa nagtaliwan nga daywang quarter.
Sa pihak kara, padayon nga nagapahaom ro DA sa posibleng epekto it El Niño ag pagtaas it haega it farm inputs, samtang ginapabaskog man ro aquaculture ag ginaeaumang mapa-umwad ro poultry ag livestock sector sa 2027 sa pagpatuman it Animal Industry Act.
