Agrikultura sa nasyon nagakinangean it mga batang mangunguma suno sa DA

Kalibo Aklan———Gin-insister it  Department of Agriculture (DA) nga kinahangean makaron ro mas batang henerasyon agud nga mapabaskog ag mapaumwad ro sector it agrikultura  sa tunga it nagakagueang eon nga mga mangunguma.

Ginhangkat ni Agriculture Secretary William Dar ro mga pamatan-on eabi eon ro mga  nagtapos it  kolehiyo  nga magsueod sa  agri-fishery enterprise.

Suno sa sekretaryo nga padayun ro andang pag engganyo sa mga  pamatan-on  ag millennials  nga mag-venture sa agriculture pinaagi sa andang mga proyekto nga nagatuyo  nga masuportahan ro mga estudyente  ag mga batang agripreneurs  nga umpisahan eon ro andang agri-fishery enterprise.