Nasayuran baea ninyo nga ro atong eawas hay puno it tubi.
Ro aton nga utok hay may 74 percent nga tubi.
Ro masel naton hay 75 percent nga tubi.
Maskin nga matig-a ro atong mga toe-an hay may 22 percent nga tubi.
Malikawan ro mga sakit pinaagi sa pag-inom it waeong baso it tubi kada adlaw.
Pila sa mga raya hay ro sakit sa bato ukon kidney stone.
Ro rason it sakit hay ro kakueangan sa tubi.
Bangud kara, nagiging madueaw ro ihi rason nga nabilog ro bato.
Kinahangean nga magdahan nga indi magaresulta sa kidney failure ag dialysis.
Kon kueang man sa tubi madali nga dapuan it impeksiyon sa ihi ukon busisaw.
Ro pag-inom it tubi hay nagapanaba it eagnat, ubo, sip-on, sakit it ueo ukon migraine ag trangkaso.
Mabahoe man nga bulig ro tubi agud nga mahugasan ro acid sa tiyan.
Mabawasan man kara ro ulcer, impatso ag sakit it tiyan.
Mas gusto it tiyan ro maeaba-ab nga tubi.
Kon kueang sa tubi, nagahina ag naga-euya ro eawas.
Agud nga magniwang , antes nga magkaon , mag inom it sambilog ukon daywang baso it tubi.
Mabusog ka eagi ag indi mag-abu it pagkaon.
Samtang, ro beauty secret it mga dermatologists hay tubi eang.
Kon kueang sa tubi, naga-eus-ok ro mata ag nagakurinot ro panit.
Mag inom it tubi agud nga magkinis ag magkintab ro kutis .
