KALIBO, Aklan—Agud nga mapangalagaan ag mapreserba ro kaanyag it isla it Boracay, gin-umpisahan eon ro pag-phase out sa mga nagabyaheng tricycle nga nagagamit it gasolina ko Oktobre 1.
Raya hay matapos nga eubusan eon nga gin-implementar it lokal nga gobyerno it Malay ro e-trike program sa isla.
Suno kay Senior Transportation Officer Cezar Ocson it LTO-Malay, may mga naka-deploy eon nga Malay Auxiliary Police sa mga daeanon para magbantay agud nga masiguro nga owa eon it nagabyaheng tricycle.
Ro sin-o man nga madakpan nga mag-eabag kara hay pagadakpon kamana man nga pagakumpiskahon ro behikulo.
Tuyo it nasambit nga programa nga limpyuhan ro karsadahon ag i-modernized ro public transportation sa Boracay para sa mga turista pinaagi sa paggamit it e-trike bangud raya hay environment friendly.
Ginpasiguro man kara nga ro mga tricycle operators sa isla ro maka-avail it e-trike rason nga indi man sanda madueaan it pangabuhian.
Samtang, nag-apela man raya sa iba pang operators nga ipagguwa eon ro nakatago pa nanda nga tricycle agud malikawan nga magpangatubang it penalidad.
