-- ADVERTISEMENT --
Ginpamalibaran ni dating Justice Secretary Vitaliano Aguirre II ro pagiging “co-perpetrators” ukon kasabwat angot it kasong crimes against humanity kontra kay dating Pangueong Rodrigo Duterte sa International Criminal Court (ICC).
Gintawag ni Aguirre nga makabuoe-buoe ro mga pabangod.
Ginpunto it dating Department of Justice (DOJ) chief nga bukon imaw it eakot sa kontrobersyal nga war on drugs it administrasyon ni Duterte.
Suno kana, nagserbi eamang imaw nga abogado ag ko ulihi bilang Justice Secretary halin 2016 hasta it Abril 2018.
Eubus man nana nga ginpamalibaran ro pabangod nga dapat imaw manabat sa mga pagpatay nga may kaangtanan sa anti-drug campaign, ag ginpaathag nga ro DOJ hay uwa nagapatuman it operasyon.
-- ADVERTISEMENT --
