Padayon nga pagapondohan it Department of Foreign Affairs (DFA) ro aid nga ginatao para sa mga Overseas Filipino Workers (OFWs) hasta sa buean it Marso makaron nga dag-on raya hay kadungan it transitions it bag-ong tukod nga Department of Migrant Workers.
Suno kay DFA Undersecretary for Office of the Migrant Workers Affairs Eduardo de Vega, ro Aksyon Fund ukon ro pondo para sa pag-assist sa OFWs hay sa hurisdiksyon it DFA kamana man ro Assistance to Nationals budget para sa pagbulig sa non-OFW Filipinos abroad kapareho ir permanent resident it foreign host country, mga estudyante, Filipino nationals nga mamamayan it sangka host country apang sangka Filipino citizen, mga Pilipinong naghueat it andang naturalization, Filipino nga kaibahan sa government exchange visiting program ag ro mga sa abroad nga owa nagatrabaho kaeakip eon ro andang mga asawang foreign citizens.
Nakipag-angot eon man ro DFA para sa sangka joint agreement para sa pagpanupod it nasambit nga aid.
Suno pa kay De Vega nga ginaeauman nga maipasa eon sa sueod it an-um nga buean ro mga duties it DFA sa Department of Migrant Workers.
