Kalibo Aklan —– Gin-engganyo it Akbayan Party si Pangueong Rodrigo Duterte nga padasigan eon ro pagtau it pinansiyal nga bulig sa mga pamilya nga naapektuhan ro pangabuhian bangud sa hugut nga pagpatuman it Enhanced Community Quarantine sa haeos bilog nga nasyong Pilipinas sa atubang it paeag it coronavirus disease (COVID-19) pandemic .
Suno kay Akbayan Leader Joel Rocamora nga masyado man nga mabahoe ro P200 bilyon pesos nga gintigana nga pondo it gobyerno rason nga dapat nga ro bulto kara hay maagto sa mga pigado mag-eowas sa mga pagabak-eon nga mga medical equipments para sa mga frontliners .
Makabulig sigon ro igatau nga financial aid agud nga may pang bakae sanda it pagkaon eabi eon ro mga miyembro it 4Ps .
Kaabuan suno kana sa mga apektado hay ro mga trabahador nga kon indi magkayod sa sueod it sang adlaw hay indi man makakaon ro andang pamilya.
Samtang, gin-insister ni Akbayan Leader Joel Rocamora nga oras eon agud nga mapaeapad ro testing sa nasyon pinaagi sa Department of Health kasunod it padayun nga pagtaas it kaso ag mga nagakamatay bangud sa deadly virus.
Suno kay Rocamora nga ro COVID pandemic hay sangka giyera nga indi makita ro kaaway rason nga importanteng makaangkon it mass testing sa nasyon partikular sa urban poor areas.
Imposibli suno kana nga mapatuman sa urban areas ro social distancing ag home quarantine bangud sa maisot ag dukot-dukot nga mga baeay.
Ro mass testing suno kana hay dapat nga nakatutuk sa mga may sintomas, vulnerabli nga mga senior citizens, ag mga frontliners.
Nagpaandam pa si Rocamora nga indi eon dapat nga mag-eawig pa ro community quarantine bangud nga maapektuhan kara ro ekonomiya it nasyon .
Samtang , gindugang pa kara nga nagatipon man sanda it donasyon agud nga makatau it food relief.
