KALIBO, Aklan — Ginpasidunggan it 18th Sangguniang Panlalawigan it Aklan ro sangka Akeanon researcher bangud sa anang discoveries, innovations ag iba pang significant contributions sa patag it Science And Technology.
Si Mr. Raymond Sucgang nga tubong Batan, Aklan hay presenteng nagatrabaho sa Philippine Nuclear Research Institute (PNRI) bilang sangka Supervising Science Research Specialist.
Ro tatlong panig nga resolution of commendation hay pormal nga ginbaton ni Sucgang sa ginpatigayon nga regular session it SP nga nagakilaea sa anang hinimuan nga nagtau it bugae ag dungog sa probinsiya it Aklan.
Tuyo kara nga makatau it inspirasyon sa iba pang pamatan-on nga Akeanon agud nga isueong ro mga pagpatigayon it research agud nga magtau it kontribusoyn sa patag it siyensiya ag teknolohiya para sa ika-umwad it probinsiya ag nasyon.
Sa pihak nga parte, sa Facebook page ni Mr. Sucgang, ginpasaeamatan man kara ro mga provincial board members eabi eon ro anang tiyo nga si Atty. Harry Sucgang nga miyembro it nasambit nga body.
