KALIBO, Aklan–Ginkumpirma ni Engr. Jude Ropa, head it engineering department it Aklan Electric Cooperative ukon Akelco nga balik eon sa normal ro power supply sa Isla it Boracay ag bilog nga probinsiya it Aklan mag-eowas sa Altavas ag Batan nga area.
Raya hay kasunod it natabu nga pagsabog ag pagkaeayo tuga it malfunction sa linya it Central Negros Electric Cooperative ukon Ceneco reclamation area.
Suno kana nga may naka-schedule nga power interruption ro National Grid Corporation of the Philippines ukon NGCP sa 69-KV nga linya sa Altavas ag Batan bangud sa pagahimuon nga preventive maintenance eabi eon ro pagbaylo it poste.
Raya hay nag-umpisa alas-5 it agahon hasta alas-6 it gabi-i.
Ginpahayag dugang nga madayun ro scheduled power interruption it NGCP makaron nga 4:30 PM hasta 6PM kun sa siin ginkalitan man nanda raya nga kahigayunan agud nga makapatigayon it pag-relocate it mga poste sa ginhimo nga road widening project it DPWH sa parte it balete hasta altavas.
Samtang, gindugang pa nga naghagan-hagan eon man ro mga naexperiensiyahan makaron nga mga owa naka-schedule nga power interruption matapos nga ginbutangan it proteksyon ro mga linya it poste agud nga malikawan ro animal intrusion partikular ro mga tuko, sawa ag iba pa.
