KALIBO, Aklan — Nagpakitang gilas ro ginatos nga mga lineworkers halin sa nagkaeain-eain nga electric cooperatives sa Visayas Region sa ginpatigayon nga Visayas Summit Lineworker’s Rodeo 2025 sa compound it Aklan Electric Cooperative sa banwa it Lezo.
Suno kay Atty. Ariel Gepty, general manager it Akelco nga nagsabak sa kompetisyon nga may nagkaeain-eain nga kategorya ro mga linemen halin sa Eastern, Western ag Central Visayas.
Ro igadeklarang overall champion hay magiging representante it Visayas sa maabot nga Hunyo 5 sa National Rodeo Competition 2025, kun sa siin maka engkwentru nanda ro mga nagkampeon man nga electric cooperative halin sa Luzon ag Mindanao.
Makita sa kompetisyon ro kamayad, kabaskog ag teamwork it mga kooperatiba.
Nag-agi suno kana sa hugut nga training ro mga nasambit nga linemen agud nga mas pa nga mapamayad ro andang ikasarang ag siguraduhon ro andang kahauman sa kompetisyon.
Ro mga kategorya hay ro Emergency Response and First Aid; Pole Dressing; Pole Undressing; Conductor Riding Relay; Pole Erection, Rodeo King ag iba pa.
