KALIBO, Aklan—Ginpasiguro it Aklan Electric Cooperative ukon Akelco nga may bastante nga supply it kuryente agud nga mapun-an ro demand it mga customers.
Raya ro ginpahayag ni Engr. Jude Ropa, head it Engineering Department it Akelco sa atubang it naexperiensiyahan nga sunud-sunod nga power interruptions kahapon nga adlaw it domingo.
Ginpaathag kara nga ro mga natabu nga scheduled ag unscheduled power interruptions hay resulta it ginapatigayon nga maintenance it National Grid Corporation ukon NGCP kun sa siin ginpangbayluhan nanda ro mga gabok nga poste it steel posts.
Samtang, ginpasiguro man ni Engr. Ropa nga magadere-deretso ro power supply sa mga playing venues ag billeting quarters it pagahiwaton nga Western Visayas Regional Athletic Association meet nga maga-umpisa sa Abril 26 hasta 30.
Apang, bukon eon nanda it kontrolado kon makaangkon it problema sa NGCP.
Sa pihak kara, haum ro andang maintenance team sa pagresponde sa magatuhaw nga anuman nga problema.
Sa sueod it makaron nga domingo hay owa sigon it matabu nga power interruptions mag-eowas hin-aga nga adlaw it martes sa bahin it isla it Boracay nga maga-umpisa alas-4 it aga-aga hasta alas-8 it agahon.
Kamana man nga engkaso nga may matabu nga aberya nga owa ginaeauman.
Raya hay bilang konsiderasyon sa pag host it aklan sa WVRAA 2023.
