KALIBO, Aklan—Kaibahan ro Aklan Electric Cooperative (AKELCO) sa ginbilog nga task force agud nga mapadasig ro rehabilitasyon it power distribution system it Palawan Electric Cooperative (PALECO).
Suno kay Akelco general manager Engr. Alexis Regalado nga kaibahan sanda sa Task Force Kapatid PALECO, kun sa siin, 10 nga mga electric cooperatives halin sa Luzon ag Visayas ro nagabueuligan.
Apang nakataeana eon man sigon nga maga-uli ro andang mga ginpadaea nga personnel ag iba pang kagamitan bangud nga patapos eon man ro trabaho sa Palawan nga nagbuhay it haeos tatlong buean.
Ginkaayad it task force kapatid ro kutob sa naapektuhan it ginpatigayon nga road widening projects it Department of Public Works and Highways (DPWH) sa nasambit nga probinsiya nga makabig nga sambilog man nga tourist destination sa nasyon.
