Kalibo Aklan ———–Ginpaathag it Aklan Electric Cooperative (Akelco) kung ham-an nga owa sa gihapon nanda nairelocate ro pilang ka mga poste nga nagaharang sa national highway apisar nga nagpatigayon it road widening ro Department of Public Works and Highways (DPWH).
Suno kay Atty. Ariel Gepty, general manager it Akelco nga sandig sa RA 10531 ukon ‘National Electrification Administration Reform Act of 2013’ hay kinahangean nga bayaran it compensation it DPWH ro Akelco engkasong may mga poste rayang nadaeahig sa road widening ag nagakinahangean nga mairelocate.
Apang ro problema sigon hay nauna pa ro implementasyon it DPWH antes nga gin-impormahan ro taeatapan it Akelco
Dugang pa kara nga kinahangean nanda it pundo ukon capital agud nga maayos ro mga poste nga nagaharang sa karsada.
