KALIBO, Aklan—Sangkiri nga magataas ro sukot sa kuryente it Aklan Electric Cooperative ukon Akelco sa billing makaron nga Agosto.
Suno kay Mega Mortalla, OIC General Manager it Akelco nga magataas it haeos 14 sentimos kada kilowatt hour ro andang sukot makaron nga Agosto bangud nga nagmahae man ro kuryente sa spot market.
Ginpaathag kara nga nakadepende ro pagtaas ukon pagnaba it kuryente sa generation charge.
Ro rate para sa residential consumer nga nagakonsumo it 21 kilowatt per hour pataas hay haeos 10 pesos ag 9 pesos para sa low voltage consumers ag 7 pesos sa high voltage consumers.
Uman nga ginklaru it akelco nga owa sanda nagakita sa mga pass-through charges kon sa siin ro pinakamabahoe nga parte hay ro generation charge.
Ro bayad sigon sa generation charge hay naagto sa power suppliers.
Sa pihak nga parte, nagpaabot man it pasaylo si mortalla sa mga miyembro-konsumidor bangud sa andang ginapatuman nga skeleton work force.
Ro mga partner-collecting agents sigon it akelco hay nagabaton eon makaron it bayad maskin nga past due ro bill.
Samtang, owa pa sigon sanda naga-instrikto makaron sa disconnection.
