KALIBO, Aklan—Striktong ginapatuman it Aklan Electric Cooperative (Akelco) ro “no vaccine, no entry policy” sa andang mga opisina umpisa ko Enero 17.
Raya hay bilang suporta sa tikang it gobyerno nga maabot ro herd immunity sa madali nga panyempo bangud maabu pang pumueoyo ro owa nabakunahan.
Suno kay Atty. Ariel Gepty, General Manager it Akelco nga owa sanda naila nga makompromiso ro kaeawasan it andang mga empleyado ag malikawan ro aberya sa andang pagtao it serbisyo.
Ginpabugae pa kara nga puro bakunado eon ro andang mga empleyado kaibahan ro bilog nga pamilya rason nga indi dapat mabutang sa aeang-aeang ro andang ikaayong eawas.
Ginlaygayan man kara ro bukon it bakunado nga mga miyembro-konsumidor it Akelco nga magbayad eon lang pinaagi sa andang partner collection facility ag online payments.
