KALIBO, Aklan — Umapela it pag-intindi ro Aklan Electric Cooperative (Akelco) sa publiko angot sa naexperiensiyahan nga adlaw-adlaw nga power interruptions sa isla it Boracay bangud sa nagapadayun nga full line rehabilitation.
Magabuhay it sang buean ro pag-ayos nga nag-umpisa ko Setyembre 24 ag ginaeauman nga magatapos sa Oktubre 24.
Suno kay Akelco assistant general manager for engineering Joel Martinez ro brownout hay tuga it pagbaylo nanda it poste para sa road widening project it Department of Public Works and Highways (DPWH) nga ginapangunahan it Task Force Kapatid.
Kaabuan sa mga resorts ag hotels sa Boracay hay nagagamit it mga generator set.
Ginpahayag pa ni Engr. Martinez nga kon owa it aberya kapareho it maeain nga tiempo ag problema sa road-right-of-way hay madali nanda nga matapos ro pagsaylo it poste agud nga maibalik sa normal ro supply it kuryente sa isla.
